5 前 速 自 動 波 箱 ， 需 要 車 主 有 「 手 波 底 」 先 開 得 順 。
1.4 公 升 引 擎 提 供 100 匹 馬 力 ， 規 格 絕 不 失 禮 。
正 式 發 售 的 1.4 型 號 ， 快 跑 表 現 終 於 合 格 ， 短 途 衝 一 段 ， 有 心 有 力 。
外 形 緊 跟 「 元 祖 500 」 ， 最 大 分 別 其 實 隱 藏 於 驅 動 布 局 ： 「 元 祖 」 是 後 置 引 擎 、 後 輪 驅 動 （ RR ） ， 「 新 仔 」 則 是 前 置 引 擎 、 前 輪 帶 動 （ FF ） 。要 成 為 大 熱 潮 流 車 ， 實 在 要 講 天 時 、 地 利 、 人 和 ， 就 好 似 01 、 02 年 時 歐 羅 匯 價 低 ， 新 車 市 場 又 未 興 起 retro （ 懷 舊 / 復 刻 ） 熱 ， 於 是 乎 外 形 搶 鏡 、 操 控 極 好 的 新 MINI （ Cooper/Cooper S ） 就 順 利 搶 灘 。
同 一 條 方 程 式 ， 套 用 至 另 一 歐 洲 經 典 車 款 ─ ─ 快 意 （ Fiat ） 500 ─ ─ 之 上 ， 形 勢 就 未 見 樂 觀 … … 除 了 經 濟 因 素 ， 還 因 為 復 刻 潮 流 已 到 「 水 尾 」 ， 就 連 第 二 代 新 MINI 聲 勢 亦 難 復 當 年 勇 。 賣 相 其 實 比 新 MINI 更 可 愛 、 趣 致 的 「 500 仔 」 要 跑 出 ， 有 難 度 ！
圓 碌 碌
車 價 ︰ HK$233,800
車 型 ︰ 兩 箱 式 三 門 四 座 位
引 擎 ︰ 1368c.c. ， 直 4 ； 前 置 ， 前 輪 帶 動 ； 自 然 吸 氣
馬 力 ︰ 100 匹 /6000rpm
扭 力 ︰ 13.4kgm/4200rpm
波 箱 ︰ 5 前 速 自 動 （ Selespeed ）
懸 掛 ︰ （ 前 ） 麥 花 臣 支 柱 ； （ 後 ） 扭 力 桿
制 動 ︰ （ 前 ） 透 氣 碟 ； （ 後 ） 實 心 碟
長 / 闊 / 高 ︰ 3546/1627/1488mm
軸 距 ︰ 2300mm
輪 胎 ︰ （ 前 / 後 ） 185/55 R15
車 重 ︰ 930kg
壹 評 分 ︰ ★ ★ ★ ★ （ 5 粒 ★ 滿 分 ）
壹 評 語 ︰ 首 次 在 本 港 路 面 實 地 測 試 「 真 正 」 行 貨 版 1.4 型 號 ， 爬 頭 超 車 不 再 似 1.2 型 號 （ 先 前 用 作 宣 傳 之 用 ） 一 樣 歎 慢 板 ； 不 過 ， 5 前 速 自 動 波 箱 操 作 感 似 手 波 車 ， 轉 波 時 要 識 得 縮 一 縮 油 （ 不 要 死 踩 ） ， 銜 接 過 程 先 夠 暢 順 。
查 詢 ︰ Auto Sportiva 2877 8788
網 址 ︰ http://www.fiat500.com.hk
試 車 後 話
Cult 爆
試 車 前 ， 「 求 其 」 用 手 機 拍 下 幾 張 快 意 500 的 snapshots ， 事 後 拎 俾 身 邊 女 同 事 、 女 性 朋 友 過 目 ， 全 部 第 一 時 間 問 ： 「 嘩 ！ 呢 架 咩 車 ？ 好 cute 喎 ！ 」 單 計 賣 相 ， 絕 對 有 潛 力 成 為 新 一 代 「 追 女 戰 車 」 。
事 實 上 ， 全 身 圓 渾 線 條 亦 的 確 緊 跟 「 元 祖 」 設 計 ， 復 刻 指 數 前 所 未 有 地 高 ， 鍾 情 歐 洲 小 車 ， 應 該 會 非 常 滿 意 。 坐 入 車 廂 ， 會 發 現 細 節 同 樣 cute 字 行 頭 ， 按 鈕 、 冷 氣 出 風 口 、 儀 錶 板 … … 連 座 位 頭 枕 都 「 圓 碌 碌 」 ， 波 棍 後 又 有 USB 插 頭 ， 加 上 車 頂 大 面 積 玻 璃 天 幕 ， 精 彩 細 節 甚 至 比 今 代 smart fortwo 更 多 。
變 爽
正 式 來 港 的 快 意 500 ， 清 一 色 身 懷 1.4 公 升 引 擎 ， 馬 力 100 匹 ， 以 車 重 不 超 過 1000kg 大 關 同 級 小 車 標 準 衡 量 ， 快 跑 潛 力 絕 對 不 算 弱 ， 動 力 表 現 亦 的 確 比 早 前 來 港 的 1.2 型 號 宣 傳 車 合 理 ， 一 時 興 起 踩 地 板 油 谷 一 段 ， 亦 不 會 好 似 牽 牛 上 樹 ， 表 現 合 格 。
代 理 提 供 6 前 速 手 波 及 5 前 速 自 動 波 兩 款 波 箱 選 擇 ， 相 信 九 成 九 香 港 買 家 會 揀 後 者 。 同 大 部 分 意 大 利 車 一 樣 ， 自 動 波 箱 仍 是 「 手 波 底 」 ， 有 機 會 考 起 不 少 新 牌 仔 或 女 車 主 。 想 加 速 暢 順 ， 就 不 要 死 踩 油 門 ， 要 記 住 轉 上 一 波 前 縮 一 縮 油 ， 又 或 者 轉 至 「 加 減 mode 」 以 人 手 轉 波 。
Very cute